أكثر طريقة ناجعة و مثبتة علميا لحرق الدهون لجسم ال Skinny Fat

السلام عليكم،

باش نحكي المرة هذي على نوع فريد من الاجسام و هو "Skinny Fat": هذا الجسم يظهر نحيف بالملابس و سمين بدون ملابس و طريقة القضاء على الدهون في تلك المناطق ممكنة و ستتطلب بعض التضحيات فإن كنت غير قادر على قبول التحدي و تغيير اسلوب أكلك و تمارينك فلن تحصل على نتائج و نزيد نذكر أنه التمارين وحدها غير كافية و الحاجة الباهية أنو الناس الي عندهم الجسم هذا وقت ينجحو باش ينحيو الدهون في الجنابات و اسفل البطن باش يكون عندهم احسن جسم لانه عظلات الجنابات عندهم كبيرة.

مشاهير عندهم نفس الجسم:

كريستيانو رونالدو أشهر لاعب كرة قدم في العالم عندو نفس نوع الجسم لكن لولا الحمية الغذائية و التمارين الرياضية الي يباشرهم لكان له نفس جسمك و هذا خبر يزيد يشجعك باش تبدى.

السبب وراء تراكم الدهون في منطقة الخصر و أسفل البطن:

لازم تعرف اول حاجة انه مش انت الي تتحكم في جسمك و في تجاوب جسمك مع الاكل او التمارين، الحاجة هذي وراثية و تتناقل عبر الجينات، مثلا؛ اي واحد فينا عندو صاحبو الي ياكل كل شيء و قريب يكمل ياكل بقية الكرة الارضية و مايسمنش و مايزيدش حتى كيلوغرام واحد و هذا نوع من الناس الي نحسدهم على قوة جيناتهم و قوة معدل الحرق عندهم، في المقابل، انتي كان تاكل شطر بيتزا من غدوة تلقى روحك زدت في الميزان ههههه.

لازم ترضى بالي عطاهولك ربي و تستعمل مخك باش تتغلب على الآفة هذي، السبب الثاني وراء تراكم الدهون هي عاداتنا و تقاليدنا في الاكل خاصة في تونس؛ كل شيء ناكلوه بالخبز و ديما عجين و حتى نوعية العجين الي نستعملو فيها موش صحية على خاطر الفارينة المستعملة هي مصنوعة من القمح الي نحاولو قشرتو الي فيها الالياف.

السبب الثالث هو توقيت الاكل؛ خاصة في الصيف على خاطر الناس تسهر برشا و تاكل في الليل برشا و قبل ما ترقد ، وهذا خايب برشا لانك و انت راقد بدنك باش يطيح برشا في معدل الحرق و الماكلة الي كليتها الكل باش يحولها لدهون.

السبب الرابع هو انعدام ثقافة رياضة كمال الاجسام في تونس خاصة؛ الي تحكي معاه على الرياضة هذي طول يجي في بالو هاكا اللاعبيين المنفوخين و المغفصين و ماشي في بالو كي باش يبدى يترانا باش يولي كيفهم، اما هو كان يقعد حياتو الكل يترانا مايوصلش للمستوى هاكا على خاطر الجسم المنفوخ هو جسم غير طبيعي لان كمية العضلات غير معقولة طبيعيا و كلهم استعملو الهرمونات (الستيرويد) و موش البروتيين، بجاه ربي فرقوا مابين الهرمونات و البروتينات لانه البروتينات قاعد تاكل فيهم كل نهار و لاباس عليك و هوما حاجات طبيعية.

تفسير صنع الجسم للدهون:

وقت تاكل حاجة فيها برشا سكر (و لازم تفرق مابين السكر و ال"Glucides") معدل السكر في الدم باش يقوى و هو ما يحفز افراز الانسولين و الدور متاع الانسولين هو تعديل مستوى السكر في الدم و في الحالة هذي اول حاجة باش يخبيه في شكل "Glycogène" في العضلات و وقت العضلات تاخو كفايتها من السكر باش يولي يحولو الى دهون على مستوى الكبد و خاصة المنطقة المحبذة لجسكم الي هي منطقة الخصر و اسفل البطن.

ماهو الفرق بين السكر و ال"Glucides"؟

السكر هون نوع من ال"" سهلة الامتصاص و الي تنتجع ارتفاع سريع لمستوى السكر في الدم، هذا علاش لازم نعرفو نختارو الماكلة متاعنا و في الصورة هذي مثال لنسبة السكر في منتج:

المنتج هذا "Muffins" فيه برشا سكر و باش يرفع نسبة الانسولين في الدم.

حاجة اخرى مهمة برشا في ال "Glucides" و الي هوما الالياف "Fibres alimentaires"، الالياف هي المكونات الي تحد من امتصاص السكر في الدم و تخفض من ارتفاع نسبة السكر في الدم، لذلك وجب على اي انسان ان ياكل نسبة جيدة من الالياف باش يتفادى تراكم الدهون، و هذه الصورة فيها مثال لمنتج فيه نسبة جيدة من الالياف "اللوبيا" :

كيفية التمرين:

أول حاجة لازم تعرف نسبة الدهون الي عندك، مثلا الي في الصورة على اليمين عندو نسبة دهون فوق ال 20% هذا يبدى اولا بمرحلة التنشيف او التخسيس يعني لازمو يطيح نسبة الدهون حتى (مابين 15 و 18%) و تقدر تحسب نسبة الدهون في جسمك عند الصيدلية و لا في على الانترنات فما مواقع تخليك تحسب نسبة الدهون "IMG"

http://www.calculersonimc.fr/calcul-img.html

نسبة الدهون فوق ال 20%:

الشخص هذا لازم يترانا كارديو مابين 4 و 5 مرات في الاسبوع:

بالنسبة للكارديو؛ كانك باش تعمل "Footing" المدة تكون مابين 35 و 45 دقيقة حسب قدراتك و كانك باش تعمل "HIIT" المدة تكون مابين 15 و 30 دقيقة.

بالنسبة للناس الي ماتعرفش ال"HIIT"؛ هو نظام تمرين مضغوط اي انه فيه الايقاع يكون مثلا ضعيف 30 ثانية و ايقاع قوي 30 ثانية و تقدرو تلوجو على اليوتوب و تبعو الفيديوات و المعروف عن ال "HIIT" انه اقوى طريقة لحرقة الدهون؛ و طريقتي الشخصية في ال "HIIT" تتمثل في دقيقة جري بايقاع ضعيف و دقيقة جري باقوى سرعة "SPRINT".

• نسبة الدهون بين 15 و 18%:

لو جسمك مثل الي في الصورة على اليسار، اعرف انه تمارين المقاومة هي الحل الوحيد لحرق ما تبقى من الدهون، لانه جينيا في جسمك نسبة العضلات ليست كبيرة و لازمك تبني اكثرة عضلات و بمرور الوقت باش تلقاهم ذابو.

تمارين المقاومة هي "Musculation"، و النصيحة الاكثر اهمية ليك انو لازمك تطيح في فترة الراحة مابين التمارين و لازمها تكون اقل من دقيقة و بعد الحصة اعمل 10 دقائق كارديو.

كيفية الاكل:

نسبة الدهون فوق ال 20%:

اول حاجة لازم تقرى المقالة من الاول باش تفهم بدنك كيفاش يخدم، انسى كل الحلويات و كل العصائر المصنعة و الغازية اما عندك الحق في مرة واحدة في الاسبوع تاكل وجبة كيف ما تشتهي، رد بالك قتلك وجبة موش نهار كامل.

الماكلة باش تكون متكونة من 25% كاربوهايدرات "Glucides" الي حكينا عليهم في اول المقالة، 40% دهون و 35% بروتينات.

فطور الصباح: حاول اشري الشوفان "Son d'avoine" و 2 قطع غلال.

الغداء: خضراوات و مصدر للبروتينات و ارز.

العشاء: توقيت العشاء يكون 5 ساعات قبل النوم و المهم مايكونش فيه سكر !! 0% "Glucides"، و احسن حاجة تاكل سلاطة خضراء و "Fromage blanc" او زبادي طبيعي.

نسبة الدهون بين 15 و 18%:

انت يا صديقي نظام الاكل عندك باش يكون فيه اكثر بروتينات:

فطور الصباح: اوملات متكونة من 4 بياض البيض و 2 صفار البيض و 2 قطع غلال و شوفان (تقدر تزيد واي بروتين كان عندك).

الغداء: خضراوات، ضعف الكمية من البروتين و ارز.

بعد التمرين: مصدر بروتينات (او سكوب واي بروتين)

العشاء: 5 ساعات قبل النوم، 0% سكريات، "Fromage blanc" , زبادي طبيعي ولو عندك مكمل الكازيين "Casein" يكون روعة. 

المكملات:

الى حد اليوم لم يستطع الباحثون صنع منتج فعال 100% لحرق الدهون، لكن يوجد مكملات تقدر تساعدك قليلا:

• Hydroxycut hardcore
• Lipo 6 Black

لو اعجبك المقال ماتبخلش علينا ب "J'aime" او "Partage" خلي المنفعة تصل للناس الكل. الى موعد لاحق